Que ganas tiñamos de voltar a emitir! Sempre temos a pretensión de ser un programa regular con seccións que están puntualmente, cunha hora cada semana e sen sorpresas nin sobresaltos, pero despois destes meses descubrimos que é imposible, sempre pasan cousas ou facemos que pasen e nada está decidido; é por isto que renunciamos ás nosas pretensións reguladoras e simplemente vos prometemos un programa dunha hora de cando en vez, coas seccións que toquen e eso si, coa mellor música contemporánea segundo o noso criterio.

Por todo o exposto anteriormente a presentación da edición número 14 será sinxela: un día máis e-music, que vos preste.